ارجوك يا حبيبتي لا ترحلي ان في بعدك هلاكي

لك يا من غبت عن سماء قلبي....لك وحدك اكتب لا بالقلمي وبقلبي

لاتبعد تراني اجفل
يالبعدك زهر يكتل
يا نبض الكلب يا روح
يا لون السما و اجمل
ياريحة هيل يا قدّاح
يغيب الكمر من تهل
لاتبعد بعد ارجوك
شبعت هموم من فركاك
هم جديد مااحمل
ولا بيه بعد اصبر
و انته الروح تدريها
بغيابك ذاك جرعت مر
تمر بيها الليالي دموع
و آلام و حزن مكدر
شلون اصبر؟
وانا بلياك صرخة آه
تلفيني و سطر تسطر
يا سر العجيب البيك
كل ما طر علي طاريك
اكوم بفرحتي اتعثر
و يا سر العجيب البيك
خيالك بالفكر مطبوع
و على نبض الكلب سيطر
لاتبعد بعد ارجوك
وتخلي الجروح ردود
على الافراح تتبختر
اسرارك نجوم الليل
وانا متاني الشمس تكسر
عسى لمن يجيك الليل
تتوازى و تبوح بسر
انا الشلت الصبر رايه
و علّمت الصبر يصبر
شعلت شموع يابو شموع
ومتاني ترد وانطر
ماانكر جزعت ايام
ونفظت ايدي و كلت ما تعود
وكلت بهواي متبطّر
بس و داعتك ياهواي
من يوم الرحت لليوم
كتبت على الكلب مقفول
لان ادريك يوم تعود
و بكلبي ترد تنزل
لاتبعد بعد ارجوك
تره بعدك زهر يكتل

بقلميــــــ

أتمنــــى لكـ من القلب .. إبداعـــاً يصل بكـ إلى النجـــوم ..



سطرت لنا أجمل معانى الحب
بتلك الكلمات الشيقة التي تأخذنا
إلى أعماق البحار دون خوف
بل بلذة غريبة ورائعة
دمت لنا ودام قلمك